Buruntzaldea IKTko benjamin eta alebinek denboraldiari amaiera emango diote elkarteak berak antolatutako Lasarte sariarekin. Probei 10:00etan ekin aurretik erakustaldi txiki bat egingo dute 'Estiloak' ataleko haurrek. 9:40etan hasiko da ekitalditxo hori.
Benjamin eta alebinen ostean infantil, junior eta absolutuek jarraipena emango diote denboraldiari, 1go Erronka delakoan lehiatuz. 12:15ean hasiko dira probak.
Buruntzaldea IKTko igerilariak gogotsu daude entrenamenduetan landutakoa bihar Kiroldegian praktikan jartzeko. Tximeleta, bizkarra eta librea bezalako estiloez gozatu ahalko dute igerilekura bertaratzen diren ikusleek.