Asteartetik ostegunera, 18:00etatik aurrera, haurrei zuzendutako ekintzak izango dira nagusi: jolasak eta bonba japoniarrak. Asteartean, jai batzordeak ohartarazten duenez, kamiseta zuria eraman behar dute gaztetxoek.
Honetaz gain, asteazkenean, antzerki emanaldia izango da eta ostegunean, 19:00etan Udal Musika Eskolako kideen kontzertuaz gozatu ahalko dute plazara gerturatzen direnek.
Baina Teresa sorgina ez da ostiralera arte iritsiko auzora. Iritsi baino lehen antzerkia emanaldia izango da. Ostean, erritmoa eta dantza izango dira nagusi Zabaletako jaietako egitarauan. Sorgin Dantza, DinbiBanda batukada, Jalgune elkarteko lagunen dantza saioa, Kukuka antzerki eta dantza eskolako dantza garaikidea eta Itzartu taldearen erromeria.
Larunbatean, kirol ekintzek izan zuten arrakasta ikusirik, bigarren urtez, Zabaletako Sorgin-krosa eta txirrindularitza lasterketak izango dira bertan. Auzotar eta herritarrek goizean auzoko kros sorginduan parte hartu ahalko dute.
Arratsaldean, aldiz, 16:30etik aurrera, alebin eta infantil mailetako txirrindulari lasterketez gozatu ahalko da. Honetan izango dira Bazpi txirrindularitza eskolako kideak lehian.
Joxe Migel Aranzadiren omenezko mus eta tute txapelketak ere izango dira.
Honetaz gain, haurrentzako puzgarri eta jokoek bertso saioari emango diote paso.
Eta gazteek, gaueko ordu txikiak arte gozatuko dute gazte rock gaueko taldeekin.
Igande goizean, baserritar giroa izango da nagusi. Euskal dantza eta tortilla lehiaketa izango dira eta Jai batzordeko kideek jakitera eman dutenez, bi berrikuntza izango dira, batetik Pepene baserriko idi eta zaldi arteko dema lehia ikusi ahalko da eta bestetik ohiko proba mixtoan aurten ez da auzoko talderik izango.
Jaietako azken orduetan, herri bazkaria, dantza, kantua eta toka txapelketak ikusiko ditu Teresa Sorginak erratza hartu eta mendira bueltatu baino lehen.
Zabaleta auzoko Jai Batzordeak auzotarrak eta herritarrak gonbidatzen dituzte Zabaletara igo, jaietan parte hartu eta ekintzez gozatzera.
Egitaraua
Asteartea 2
18:00-20:00, haurren jolasak. Eskulanak: "Birziklapen tailerra" eta kamixeta margoketa. Oharra: kamiseta zuri bat eraman.
20:00etan, japoniar bonbak
Asteazkena 3
18:00-20:00, herri-kirolak, haurren jolasak, opari arrantza eta antzerkia
20:00etan, japoniar bonbak
Osteguna 4
18:00-20:00, Amaraun Klubak antolatutako "Jolasen altxorra" eta oparien zozketa mundiala
19:00etan, Lasarte-Oriako musika eskolaren emanaldia
20:00etan, japoniar bonbak
Ostirala 5
18:00etan, antzerkia eta ondoren txokolatada
19:00etan, Teresa sorginaren jaitsiera txalapartarekin
Jarraian, pregoia
19:05ean, dantza herrikoia (sorgin dantza)
19:15ean, Dinbibanda batukada
19:30ean, Jalguneko lagunak
20:00etan, Itzarturekin erromeria
22:00etan, Kukuka antzerki eta dantza eskolako dantza garaikide taldea
23:00ean, Itzarturekin erromeria jarraipena
Larunbata 6
9:00etan, diana
11:00etan, Zabaletako 2. sorgin-krosa
12:00etan, VIII. Joxe Migel Aranzadi eskoba txapelketa
15:30ean, VIII. Joxe Migel Aranzadi mus txapelketa
16:30-18:00, txirrindulari lasterketak
18:15ean, Euskararen taupadak (Irrien lagunak puzgarriak)
19:30ean, japoniar bonbak
20:00etan, bertso saioa: Ane Labaka, Eli Pagola, Jexux Mari Irazu eta Iker Zubeldia. Gai jartzaile Unai Muñoa
00:00etatik 04:00etara, Gazte rock gaua: Goragaleak, Auskan eta talde sorpresa
Igandea 7
Denok baserritarrez jantzita
9:00etan, diana eta auzo garbiketa txapelketa
11:00etan, Kukuka antzerki eta dantza eskolako euskal dantza saioa
11:00etan, Tortilla lehiaketa
12:15ean, Pepe Eneako baserriko Imanolen zaldia eta Inazioren ideiaren arteko dema
13:15ean, Proba mixto nagusia
14:30ean, Herri bazkaria
17:30ean, Kantu festa “Xumela” koruarekin
18:00etan, Egan taldearekin erromeria
18:30ean, Toka txapelketa
20:30ean, Teresa sorginari agurra eta azken traka