Lasarte-Oriak Ahal du taldeko kideek jakin arazi digutenez, aste osoan zehar egongo dira sinadurak biltzen Gizarte-etxea taberna ondoan duten bulegoan, goizez 11:00etatik 13:00etara eta 18:00etatik 20:00etara.
Kalean aldiz, asteazkenera arte jarriko dituzte bilketa mahaiak. Okendo plazan izan dira gaur eta bertan izango dira bihar ere 10:00etatik 13:00etara eta 18:00etatik 21:00etara, baita asteazken arratsaldean ere. Asteazken goizean, berriz, merkatuan izango dira.
Posta bidezko botoa
Bestalde, Lasarte-Oriak Ahal du taldeak maiatzaren 24ean herrian bozka eman ahal ezin duten herritarrei posta bidezko botoa egin ahal izateko aholkularitza eta laguntza eskaini nahi die.
Maiatzaren 14era arte egongo da aukera hau erabiltzeko eta interesa dutenek, Gizarte-etxea taberna ondoko bulegoan egin ahalko dituzte tramiteak, goizez 11:00etatik 13:00etara eta 18:00etatik 20:00etara.