Arazo horren garrantzia kontuan izanda, Udalaren Gizarte-Zerbitzuetako Sailak eta Kirol Sailak, Osakidetzako Osasun Zentroarekin eta Eusko Jaurlaritzako Osasun Sailarekin elkarlanean, erorketak eta horien ondorioak saihesteko helburuarekin tailer batzuk antolatu dituzte 64 urtetik gorakoei eta horien familia edota zaintzaileei zuzenduak.
Saio teoriko-praktiko bat egingo da martxoaren 11an, Biyak Bat Jubilatuen Etxean, 18:00etan. Tailerrean besteak beste, erorketen zergatia eta horiek saihesteko zer egin dezakegun, bizimodu osasuntsu bat izatearen eta ariketa fisikoa egitearen garrantzia, edo gure esku dauden laguntza teknologikoak (teleasistentzia) zein diren ezagutzeko aukera izango da.
Doakoa da eta aurretik izen ematea komeni da Osasun-Zentroan bertan edo 943 007960 zenbakira deituta.