2013ko uztailean argitaratu zuen liburua 'Edo!' argitaletxeak. Hainbat idazleren testuak biltzen ditu, jatorrizkoak zein itzulitakoak. Miren Agur Meabe eta Danele Sarriugarte ibili dira itzul-tzaile lanetan, besteak beste.
Liburua ez da zehazki saiakera bat, hainbat generotako testuak biltzen baititu: saiakerak, bertsoak, glosak, iritzi artikuluak, lekukotasunak... Generoak bezain anitzak dira gaiak ere.
Hiru atal nagusitan dago banatua saiakera-liburua. 'Gorputza' da lehenengoaren erdigunea eta hainbat idazleren lekukotasunak biltzen ditu. Bigarrenean 'ispilua' da ardatza: gorputza irudikatzeko modu berriak planteatzen dira atal horretan. Azkenik, 'pentsamendua' kontzeptuan oinarritzen da hirugarrena; transfeminismoaren inguruko teorizazioari buruzkoa da.
Martxoaren 17an dute hurrengo hitzordua Irakurle Txokokoek: Danele Sarriugarteren 'Erraiak' nobelaz aztertuko dute saio horretan.
Saria 579 zenbakiarentzat
Bestalde, Irakurle Txokoa diruz laguntzeko errifak saldu dituzte hilabeteotan; astearteko saioan egin zuten zozketa. Xirimiri elkartean martxoaren 14an egingo den bertso-afari literariorako 4 txartel eta Pirritx, Porrotx eta Marimototsek Manuel Lekuonan maiatzaren 23an eskainiko duten ikuskizunerako beste 4 sarrera ziren saria. 579 zenbakia izan da saritua.