Zabalik dago otsaileko matrikulazio kanpainan izena emateko epea

Txintxarri Aldizkaria 2015eko otsailaren 16a
Deskargatu Info Ahotsak :
Español English Français Català Galego

Otsaileko matrikulazio kanpaina irekita dago eta bertan izena eman daiteke, Udal Euskaltegiak jakinarazi duenez. Klaseak astelehenetik ostegunera bitartekoak izango dira, asteko hamar ordukoak: 9:00etatik 10:30era, 15:00etatik 17:30era eta 18:30etik 21:00etara. Horrez gain, Autoikaskuntzan plaza batzuk libre geratzen direla ere jakinarazi du Udal Euskaltegiak. Gogorarazi dute baita ere matrikulen %85erainoko laguntzak ematen dituztela euskaltegian izena emateagatik.

Matrikulazio kanpainari edo beste edozerri buruz informazio gehiago eskuratu nahi duenak hainbat bide ditu: 943 36 16 21 telefono zenbakira deitu dezake, euskaltegia@lasarte-oria.org helbide elektronikora idatzi edo bestela Osasun Zentroko bigarren solairuan kokatuta dagoen Udal Euskaltegitik bertatik pasa.