“Igoera fasea jokatzeko lehian egoteko taldea daukagu”, dio Endika Marrahi taldeko jokalariak, “talde sortu berri honetan ikusi da zertarako gai izan gaitezken, baina ezin izan dugu lortu. Dena den, pozik egoteko moduko denboraldia burutzen ari gara jokalariak, eta orain garrantzitsuena irabaztea ez ezik, gozatzea da, gure artean gero eta gehiago ezagutu eta pixkanaka mailaz igotzeko”, adierazi du Ostadar SKTko saskibaloi alorraren arduradunak. Hurrengo faseko zozketa bihar egingo da, hamar talderekin: Zarautz, Ostadar SKT, Luberri, Askatuak Magikoak, Gamon, Añorga, AIB, Allerru B, Mutriku eta Askatuak C.
Gutxigatik izan bada ere, kanpoan geratu dira 3. Probintzialeko gizonezko seniorrak. Garaipen baten faltan, ezin izango dute mailaz igotzeko borroka egin. Liga erregularrean zortzi garaipen eta sei porroteko balantzea eskuratu dute. Bosgarren postuan sailkatu dira zortzi taldeko ligan, laugarrenarekin berdinduta.