Brontzeak berriz, Ion Arroyok eta Asier Zubizarretak jantzi zituzten. Arroyok bi galdu arren, borrokaldi on bat irabaztearekin nahikoa izan zuen brontzezko domina eskuratzeko. Asier Zubizarreta maila onean itzuli zen tatamietara, 66 kiloz azpiko kategorian. Lehen konbatea nagusitasunez irabazi zuen, finalaurrekoa galdu egin zuen eta brontzeagatiko borrokaldia ipon batekin irabazi zuen.
Dominaren bat lortu zuten lau judoka horiez gain, Iñigo Matxain eta Haritz Urdangarin ere Hernanin izan ziren parte-hartzen.
Gipuzkoako txapelketako jardun onak sari bikoitza izan du gainera, Josu Olmos, Fermin Balda, Asier Zubizarreta eta Ion Arroyo Euskadiko junior txapelketarako sailkatu baitira.