Landaberri BHIko ikasleek LMLK, komunikazio trebetasunak lantzea helburu duen tailerraren baitan ari dira Txintxarri.eus atari honetan kazetari lanak egiten. Iaz eurentzat zabaldu zen Gazteak atala eta ordutik asko dira igotako albisteak. Kritika zorrotzak egin dituzte zenbaitetan gainera.
Albisteen lanketa islatzeko, ikasturte honetan albistegi bat ere grabatzeko erronka hartu zuten gazteek. Horrela izanda, Gabonetako oporrak hartu baino lehen, euren bigarren albistegia osatu nahi izan dute. Ikasleak arduratu dira, aurreko albisteagian egin bezala, gidoia egiteaz, grabaketa lanaz baita edizioaz. Lan handia egin dute eta hemen duzue horren emaitza.