Bestalde, Mitxelinen 16 urtez azpiko Babyauto ZRT Beltzakek 34-24 garaitu zuen Nafarroako La Unica. Berdinduta joan zen partidua azken minutuetara arte. Herritarrek azpitik egin zuten bigarren zati ia osoa, baina garaipenaren entsegua lortu zuten neurketaren hondarrean.
Azkenik, 18 urtez beherakoetan, ZRT Beltzakek Irun-Baztan garaitu zuen Euskal Ligako partidan. Herritarrek jokalari bat gutxiagorekin ekin zioten partidari, lesioek eta konpromisoek herren utzi zuten taldea, baina lasarteoriatarren kemena nahikoa izan zen zelaiaren hiru laurdenaren jaun eta jabe egin eta garaipena eskuratzeko, 50-15.
Seniorrek atseden hartu dute aste honetan.