Hamar zati edo emanalditan banatu dute ikuskizuna: 'Zure begiek... Amesten dute!' , 'Qué contento estoy', 'Sevillanas por el mundo... Para bailar', 'Laguna nauzu!', '8 apellidos vascos', 'Hakuna Matata', 'Ezberdin berdinak!', 'El chiringuito', '¡Y lo sabes! Ze esaten/k!' eta 'Tod@s juntos... A celebrar!' izan dira arratsaldeko hamar kapituluak. Urtean zehar Dinbi Banda edota Pirritx, Porrotx eta Marimototsekin osatutako ekintzen bideoak tartekatu dituzte eta Semblante Rocierok, Sasoeta-Zumaburu eta Nahaste Borrasteko haur eta helduek lagundu diete esketx batzuetan. Gero, indarrak berreskuratzeko pintxoak jateaz gain, herritarrekin photocall-a egin dute kultur-etxeko atarian.
Eta garrantzitsuena. Manuel Lekuona bete duten 500 lagunak, guzti-guztiak, irribarretsu irten dira aretotik. Hori bai dela benetako miraria. Dena, Jalguneko lagunei eta haien begiraleei esker. Lan bikaina.
Jalguneren jaialdiko argazki-galeria: http://txintxarri.eus/galeria/650/