Denera 50 herritar hurbildu dira '(Hel)mugak', 'Altxa emakumea, hautsi zure kateak', 'Eta gu zer' eta 'Bazen behin neska bat beldur barik' filmak ikustera eta ostean, sari-banaketa egin dute Pablo Barrio alkatea buru, Maider Segurola kazetaria ekitaldiaren aurkezle zela.
Epaile lanetan aritu direnak berriz, honakoak: Okendo Zinema taldeko Juanjo Erauskin eta Laura Nogueras, Gizarte Zerbitzuen arloko arduradun Izaskun Oronoz eta Oscar Aranda Emakumeen Zentroko sexologoa.
“Bideo gutxi jaso ditugu, baina lan bikainak izan dira, maila handikoak zuten denbora-tartea kontutan hartuta. Zabaldu nahi dugun mezuetako bat jasotzen dute denek, genero indarkeriari positiboki aurre nola egin alegia”, adierazi dute epaimahaikideek ekitaldia amaitzean.
Herriko txapelketako sariak banatu badira ere, Euskadi mailakoak erabakitzeke daude, beraz, herritarrek eginiko lanak bozkatu daitezke azaroaren 25a bitarte beldurbarik.org webgunean.
Herritarren lan guztiak:
18-30 urtekoak
(Hel)mugak: http://www.youtube.com/watch?v=FFYoVlmNuzI
Neska bat Beldur Barik: http://www.youtube.com/watch?v=fG5pzqVqNCI
12-17 urtekoak
Altxa emakumea, hautsi zure kateak: http://www.youtube.com/watch?v=I3ZQnB8xwnI
Eta gu, zer?: http://www.youtube.com/watch?v=71LkxIhNH4c