Lasarte-Oriako Udalak herriko merkataritza sustatzeko ‘Biziberritzen’ egitasmoa jarri du martxan. Horren barruan hainbat egitasmo daude kokatuta, besteak beste, ‘Lasarte-Oria Guztiona’.
“Egitasmoa gauzatzeko herriko artistak informatu nahi ditugu eta haien arteko elkarlana bultzatu, guztion ekarpenak jasoz ahalik eta diseinu aberatsena lortzeko xedearekin”, adierazi du Udalak. Horretarako, datorren astearterako bilerara gonbidatu ditu artista eta interesa duten herritar guztiak, haien ekarpenak jaso eta aurrerantzean eman beharreko pausoak definitzeko.