Ohiko elkarretaratzea egin beharrean, gaurkoan Lasarte-Oriako Udalak herritarrak mosaiko bat egitera deitu zituen, hain zuzen, Emakumeen aurkako indarkeriari ez esateko irudia den puntu morea osatzeko.
Hitzorduari hasiera eman diote Kukukako kideek. Antzerki eta dantza eskolako talde ezberdinek hiru dantza eskaini dituzte oholtzan. Ondoren, mosaikoa osatzeko tartea izan da. Bertaratutako herritarrei, ehun inguru, kartulina moreak banatu zaizkie eta puntu morea irudikatu da plazaren erdian gaurko egunaren aldarrikapenarekin bat egin eta emakumeen aurkako indarkeriaren kontra azaltzeko. Txalo artean amaitutzat eman dute ekitaldi xumea.