“Orokorrean benetan gustura gaude gure igerilari txikiek egindako txapelketarekin, bereziki aurten hasi berriak direnekin. Guztiek distantzia oso txukunetan, estilo onarekin eta modu egokian egin dute igeri. Emaitzetatik at, arlo hauek dira garrantzitsuenak adin hauetan”, adierazi zuen Borja Apeztegia prestatzaileak probak amaituta.
Pasa den larunbatean, Buruntzaldea IKT-ko gaztetxoek txapelketei hasiera eman zieten ligako lehenengo jardunaldiarekin. Tolosan izan zuten proba eta guztira Buruntzaldea IKT-ko 56 haur izan ziren lehian benjamin eta alebin mailetan. Estilo guztietan egin zuten igerian, bular, bizkar, libre eta erreleboetan.