Arratsaldeko seietan puntuan hasi da omenaldia. Agurra dantzatu dute Erketzeko dantzariek lehenbizi. Horren ostean, udaletxeak onartutako adierazpena irakurri du Pablo Barriok. Honela dio:
"Etorkizuneko bakeak eta bizikidetzak biolentziaren bidegabekeriaren aitortzea eskatzen dute, sortutako minaren eta biktimen duintasunaren aitortzea, biktima guztiek egiarako, justiziarako eta erreparaziorako eskubidea dutelarik".
Testua irakurri ostean, lore-sorta utzi dute udal ordezkariek Gotzon Huegunek egindako 'Geroaren Memoria' eskulturaren oinetan. Ekitaldira gerturatutakoek hamabost minutuko isilunea egin dute ondoren, biktimekiko errespetua adierazteko.