Mosaikoaren diseinua handitu egin dute orain arte izena eman duten guztiek parte-hartzeko: "datu hauek ikusita ordea, mosaikoa zena mobilizazio erraldoi bilakatzeko aukera bikaina datorkigu orain", esan du antolakuntzak.
Horregatik, bihar Zurriolan erabakitzeko eskubidearen aldeko "beste mugarri bat" jarri nahi du Gure Esku Dago ekimenak eta herritar guztiak gonbidatu dituzte 11:00etan Zurriola ingurura gerturatzeko, aterki koloretsuak eskutan.