Eguraldi ona lagun asko izan dira gaur Buruntzaldeako ibilbideen egunean parte hartzera animatu direnak. Ohi bezala bost ibilbide egiteko aukera izan da goiz osoan zehar. Hauen inguruko argibideak emateko herri bakoitzean kontrol mahaiak egon dira eta mapak izan dituzte eskuragarri herritarrek. Horretaz gain, herrien arteko ibilbideak kolore ezberdinekin bereiztuta daudela gogoratu dute eta kolore hauetako seinaleak jarraitzea besterik ez dutela azaldu zaie herritarrei. Kontrol gune hauetan etapa osatzen zutenei zigilua jarri eta fruta eskaini zaie ere indarrak hartzeko.
Ibilbideen artean zailtasun eta luzeera ezberdinekoak egin ahal izan dira eta horregatik adin guztietako jendea ikusi da bakoitza bere erritmoan ibilbideei ekiten. Lagun talde askorentzat helburua Lasarte-Oria, Usurbil, Andoain eta Urnieta lotzen dituen bide luzea egitea izan da.
Kuadrilla askok aipatzen zutenez, iganderoko paseoaren norantza aldatu dute gaurkoan Ibilbideen eguna aitzaki hartuta. Halako ekimenak inguruko herri eta paisaiak ezagutzeko parada eskaintzen dutela azpimarratu dute baita ibilbide hauek beti hor daudela gogoratuta ere.
Ostadarreko mendi saileko kideak gidari
Bestalde, Lasarte-Oria eta Andoain arteko bidea egin dute hainbat herritarrek Ostadar mendi saileko kideak gidari izanda. Denera hiru ordu inguruko ibilbidea egin dute baina zailtasun handirik gabekoa.