Jakina da Iñigo Artola herritarrak jende ezagunaren sinadura eta argazkiak biltzeko duen zaletasuna.
Bereziki kuttuna da berarentzat Donostiako Zinemaldia. Filmak ikustera joateaz gain, orduak ematen ditu hiriburuan bere bilduman altxor berriak gehitu ahal izateko. Aktore zein zuzendari famatuekin argazkia atera edota sinadurak eskuratu ahal izan ditu. Lan erraza ez dela izaten aipatzen du. Hala ere, aurtengo uztarekin oso pozik dagoela kontatu digu Iñigok berak eta TXINTXARRIko erredakziora argazkietako batzuk ekarri ditu adibide gisa.