Lehen bilera honekin hasi eta aurrerago egingo dituzten plaza irekien helburua kudeaketa modu berriak "barne-mailan aplikatu eta gizarteratzea" dela adierazi dute EH Bilduko kideek: "parte-hartze prozesu zabal, garden, ireki, publiko eta demokratikoa egin nahi dugu, non legegintzaldiko balorazioa, herriko diagnostikoa, herri programa eta zerrenda osatzea izango den xedea".
Asteazkenean, arratsaldeko 19:00etan, EH Bilduk lehenengo plaza irekia deitu du Kultur Etxeko hitzaldi aretoan datorren urteko maiatzean ospatuko diren udal-hauteskundei begira. Bertan hitz egingo dena "programa eta zerrenda herritarra" izango dela esan dute eta gonbidapena luzatu diete herritar guztiei.