Urriaren hasieran hasi dituzte entrenamenduak eta aukera zabala daukate herrian bertan: Tenisa, gimnastika erritmikoa, atletismoa, judoa, igeriketa, pilota, futbola, natur ekintzak, erritmo jarduerak, multikirola...
LH eta DBHko gazteek kirola eginez ongi pasatzea da Ttakun KEko arduradunen nahia, kirola lehiaketa soilaz haratago, ongi pasa eta balio positiboak transmititzeko erremintatzat hartzen baitute.
Lasarte-Oriako kirolaren harrobia osasun onean da. Sasoeta eta Landaberri ikastetxeko 427 gaztetxok eskolaz kanpoko jardueretan, Eskola Kirolean eman dute izena.