Meza amaituta agurra dantzatu zitzaien ATC taldeko emakumeei eta Goiegirako bidea hartu zuten bazkari eder bat egiteko. Umore onean, garai bateko pasadizo eta bizipenak gogoratu zituzten jatetxe aurreko saskian eta argazkia atera zuten zelaian bertan baloia eskutan zutela. Bazkalostean partaide bakoitzari makila eman zitzaion, bonboi kaxa batekin batera.
50. urteurrena ospatu du ATC herriko saskibaloi taldeak. 1964. urtean kirolak lotu zituen neska haiek urteak pasa ahala, lagun handi bihurtu dira. Larunbatean ospatu zuten mende erdia. Lehenik eta behin, Brigitarren komentuan meza eman zuen Xabier Andonegi apaizak eta gogoan izan zituzten gaur egun zenduta dauden jokalari ohiak.