Urtero bezala, bi ikastaro antolatu ditu Ttakunek euskal jantzi tradizionalen inguruan, Euskal Jaiari begira. Urrian eta azaroan izango dira ikastaro horiek, bi hilabete horietako astearte eta ostegun guztietan, 15:00etatik 17:00etara. Emakumeen zentroan egingo dira bi ikastaro horiek. Jone Artola izango da irakaslea.
Ttakuneko bazkide direnek 22 euro ordaindu beharko dituzte ikastaroa egiteagatik; bazkide ez direnentzat berriz, izen ematearen prezioa 25 eurokoa izango da.