Uztailaren 30ean, Santa Ana Pala txapelketako finala jokatu eta Xenki Astiazaran eta Iñigo Arluziaga izan ziren irabazleak.
Ikusle ugari hurbildu zen Loidi-Barren pilotalekuara finala era hirugarren postuko partida zirraragarriak ikustera.
Finalean Bernaitz Odriozola-Shanti Martin eta Xenki Astiazaran- Iñigo Arluziaga izan ziren aurrez aurre. Partida oso berdindua izan zen, 27-27 egon ziren. Xenki Astiazaranen lan onari esker Astiazaran-Arluziaga bikoteak 29-35a jarri zuen markagailuan. Gainera, Xenki Astiazaranek finaleko jokalari onenaren saria ere lortu zuen.
Aurretik hirugarren postua izan zen jokoan. Xabier Arteaga eta Beñat Esnaolak 35-32 irabazi zieten Jon Pello Artetxe eta Xabier Etxezarretari. Partida honetan ere azken tantoetan erabaki zen norgehiagoka.
Lehen tantoetan Artega-Esnaola bikoteak errenta atera bazuen ere, Artetxe-Etxezarreta bikoteak ia buelta eman zion partidari 33-32 jarriaz. Baina Arteagak ederki erantzun zuen aurrean eta garaipena eman zion bere bikoteari.
Hau guztiaz gain, Santa Ana Pala txapelketako antolatzaileek Josu Sarasolari omenaldia egin zioten.