Udako ekintzak martxan dira. Herriko festak bukatzearekin batera hasi ziren besteak beste, udako txokoak. Urtero Ttakunek, udalaren laguntzarekin antolatzen dituen egitasmo hauetan asko dira parte hartzen duten haur eta gaztetxoak, aurtengoan uztaileko txokoetan esaterako, 464.
Adinaren arabera ekintza ezberdinak burutzen dituzte eta irteerak, jolasak, kirola denetarik izango dute hilabete honetan. Tartean bisitak ere jasoko dituzte, gaurkoan Xumela koruko hainbat kide izan dira txikienekin abesten eta dantzan. Saio polita egin dute eta haurrek eurekin kantatzera baita dantzatzera ere animatu dira. Esperientzia polita izan da Xumelakoek aipatu dutenez.
Bestalde, gaur abiatu dira ere DBH1 eta 2ko 51 gazteak Bizkaiko kostara. Autobusean atera dira baina oinez itzuliko dira etapa ezberdinak eginez.
Donemiliagan dira asteartetik ere 52 gaztetxo. Guztiek ziur ederki pasako dutela lagun eta begiraleen laguntzarekin. Hamaika ekintza eta abentura bizitzeko parada izango dute.