Ikasturte amaiera heltzear da eta hilabete hauetan ikasitakoa erakusteko garaia dute askok. Kukuka antzerki eta dantza eskolak 12. urtez antolatu du, antzerki eta dantza astea. Astea baino hamabostaldia dela esan daiteke, izan ere, gaurtik hasi eta ekainaren 15a bitartean antolatu dituzte eskolako arduradunek ikasleen emanaldiak.
Haur, gaztetxo, helduak izan dira hilabete guzti hauetan dantzan zein antzerkigintzan trebatzen eta egindako lana erakusteko tartea dute orain.
Gaurkoan LH6ko ikasleen txanda izan da. "Gura/Gu ta/Gutarrak" lana taularatu dute ikaskide eta irakasleen aurrean. Honetan egun bizi dugun krisi egoeraren hainbat aurpegi erakutsi nahi izan dituzte, umorea eta musikarekin uztartuz. Formatu erakargarri eta berritzailea erabilita, istorio laburrak izan dira antzeztutakoak.