Kadete mailako bikotea Jagoba Mendizabal eta Eneko Sarasolak osatu zuten eta Mendizabalen eskuko minak gora-behera, partida txukuna egin zuten 14-22 galdu arren.
Jubenilek pronostikoak bete zituzten. Asier Arteaga eta Haritz Solanok 22-16 gailendu zuten lanak eman zizkien Zestoako bikotea. Partida hau irabazita, final-zortzirenetako txartela segurtatu zuten matematikoki.
Inolako presiorik gabe jokatutako seniorren azken partidan, Haritz Urkiak eta Mikel Elolak amore eman behar izan zuten zestoarren aurka 12-22 galduta.
Beasain dute zain
Pozik zen Jose Felix Solano prestatzailea final zortzirenetarako txartela lortuta: “denboraldi hasieran jarri genuen helburua bete dugu. Datorren astean etxean jokatuko dugu joaneko kanporaketa eta egia esan badakigu seniorretan talde ona dutela beasaindarrek, baina kadete eta jubenil mailetako partidetan ez dakigu zer topatuko dugun”.