Denera bost froga egin behar izan dituzte finalean, hauetako hiru binaka eta beste biak taldeka. Lasarteoriatarrekin batera, aipatutako Algortako bertso-eskola, Atarrabiako Onddo Beltzak elkartea eta Gasteizko GEU elkartea aritu dira nor baino nor finalean.
Lehenengo frogan, aurkeztutako bideoen artean hizlariak zein hizkuntzatan egiten zuen asmatu beharra zegoen. Bigarrenean, Hizkuntza gutxituak mapa batean kokatu behar izan dituzte. Hirugarrenean, tximeleta hitzaren ahal bezainbeste sinonimo eman behar izan dituzte. Laugarrenean, San Telmo museoan ahalik eta hizkuntza gehien zekizkien pertsona topatu behar izan dute. Eta azken lana, lokotx moduko froga izan da, kaixo hitza hizkuntza desberdinetan bildu behar izan dute.
Probak amaituta, puntu gehien bildu dituen bi taldeetako bat izan da Dinbi-Banda.
Zorionak eta gozatu saria!