Karmengo Jaiak ospatuko dituzte Orian asteazkenean. Aurten ekintza sorta zabala prestatu nahi izan dute bizilagunek herriko elkarteen laguntzarekin. Horrela izanda, 10:00etan hasiko da festa eta trikitixa doinuek Plazido Muxika plaza girotuko dute. 10:30ean, haur jolasak Oria etorbideko plazan egingo dituzte Ttakunen laguntzarekin.
12:00etan Meza nagusia Karmengo kaperan egingo da ohi bezla eta honetan Pilar Catalina sopranoak abestu eta Gerardok organoa joko du. Jarraian, ohiko luntxa egingo da. 16:30ean Oriako Plaza Berri frontoian, alebin eta benjaminen pilota partidak egingo dira. Ostean, barrene herrikoia Intzakoen esku.
17:00etatik aurrera kaperan, Sorgin Dantzaren historiari buruzko ikus-entzunezkoaren proiekzioa egingo da eta 18:00etan Oriako Sorgin Dantzaren txanda izango da. 19:30ean dantzaldia egingo da Brunet-Enea parkean Ibai Berriak taldearekin.
Herritar guztiak Oriara gerturatzera gonbidatzen dituzte auzotarrek.