2012ko final berbera izan da aurtengoa eta duela bi urte bezala, aurtengoan ere Calvok irabazi du finala. Ordubete inguru iraun zuen partidak eta 3-1ekoa izan zen azken emaitza (15-7/17-14/12-15/15-9).
Hirugarren eta laugarren posturako partida Iñaki Garcia iazko txapeldunak eta Xabi Amianok jokatu zuten. Hiru ordu laurden inguru iraun zuen partidaren emaitza 3-0ekoa izan zen (15-6/15-12/15-13).
Kontsolazio finalean azkenik, Raul Mateosek Javier Serrano menderatu zuen 3-1 (15-13/17-15/6-15/15-8).
Sari banaketa
Karlos Altuna Udaleko kirol teknikaria eta Taxio Arribalaga zinegotziak banatu zituzten garaikurrak. Guztiek talde argazkia atera ostean, Altunak Squash txapelketa mantentzearen garrantziaz hitz egin zuen: "Squash-a gainbehera datorren kirola da. Andoain eta Usurbileko pistak itxi zituzten, Hernanin bakarra dago eta garrantzitsua iruditzen zaigu Buruntzaldean urtero emozioa mantentzen duen txapelketa bat izatea".
Behin saribanaketa eginda, afari-merienda txiki bat egin zuten saridun guztiek Kiroldegi kafetegian.