San Pedro jaietarako hilabete geratzen da eta Sorgin dantzarako prestakuntzak hasi dituzte Ttakun Kultur Elkarteko lagunek. Eta guztia ekainaren 27an prest egoteko entseguekin hasiko da ekainaren 3an.
Lasarte-Oria girotan sartzeko, entseguak astearte eta ostegunetan izango dira Okendo plazan, arratsaldeko 20:00etatik 21:00etara. Azken saioa ekainaren 26an izango da. Euria eginez gero, antolatzaileek jakin arazten dute Landaberri-Garaikoetxea eraikinean egingo liratekeela saioak. Ttakun elkarteak herritarrak gonbidatzen ditu entseguetara hurbildu eta ekintzan parte hartzera.