Udalak herriko ikastetxeen eskaintza jaso-tzen duen informazioa bidali du matrikulatzeko garaian dauden umeen etxeetara. Bi eta hiru urterekin eskolan hastea egokitzen zaie 2011 eta 2012 jaiotako haurrei.
Herriko hezkuntza ibilbidea 0-3 urte artekoentzat udal haur-eskolan, Andre Joakina-Enean hasten da.
Ondoren Haur Hezkuntza, 2-5 urte, eta Lehen Hezkuntza burutzeko 6-11 urte artekoa, Landaberri eta Sasoeta-Zumaburu eskolak dituzte aukeran Lasarte-Oriako gurasoek. Bigarren honetan bilera egingo da bihar Zumaburun 17:30ean.
Seigarren maila bukatuta, Derrigorrezko Bigarren Hezkuntzako ikasketak gauzatzeko Landaberri BHI eta IES Lasarte-Usurbil BHI-ra jo dezakete gaztetxoak eta azkenik, batxilergoko ikasketak egiteko, 16-18 urte bitartean, IES Lasarte-Usurbil BHI-n legoke aukera. Honetan eskaintzen diren batxilergoak, Giza eta Gizarte-Zientziak eta Zientziak eta Teknologia dira.
Euskara nagusi
Herrian dagoen hizkuntza ereduari dagokionez, D eredua da Lehen Hezkuntza amaitu artean bi ikastetxeek eskain-tzen dutena, hau da, dena euskaraz. Izan ere “esperientziak erakusten duenez, D ereduaren bidez iristen da gaztelaniarekin batera euskara egoki menderatzea eta haurra elebidun bihurtzea” dio Udalak banatutako informazioan. DBH eta Batxilergoa egiteko aukeran berriz euskara eta D eredua apustua izan arren, B eredu elebiduna eskaintzen da baita Landaberri BHI eta IES Lasarte-Usurbil BHI-n ere, hala ere, “euskara ongien menderatzeko aproposena D eredua da” .