Dena den, Reala aurreratu zen markagailuan. Lehen zatia amaitzeko bost minutu falta zirela, kolpe animiko gogor samarra hartu zuten Ostadarreko mutilek zuzeneko falta jaurtiketa baten bitartez Reala aurreratu zelako.
Halere, herrikoek ez zuten amore eman, serio jarraitu zuten lanean, eta 67. minutuan Beniren erdiraketa bikaina probestu zuen Unai Iribarrek markagailuan behin betiko berdinketa jartzeko.
Eguraldi txarra izan da partidako protagonista, giro ezatsegina egiten zuen futbolean jokatzeko, ez zen norgehiagoka bikainik ikusi, baina urrezko puntua poltsikoratuta gustura ziren jokalari, zale eta entrenatzaileak. Sailkapenaren erdialdean jarraituko dute hortaz, eroso antzean.
Datorren astean beste talde historiko baten aurka jokatuko du, Alavesen aurka hain zuzen, Gasteizen.
Emakumeak kopan
Bestalde, Ostadar SKT-ko emakumeen taldeak asteburu honetan kopa lehiaketa hasi du Hondarribiaren aurka.
Lehen fasea bere multzoko sailkapeneko bosgarren postuan amaitu zuen, 13 punturekin.
Ondorioz, bigarren fase honetan kopa jokatuko du emakumeen taldeak.
Arerioak Eibar, Hondarribia, Antigua Luberri, Amara Berri, Usurbil eta Ilintxa dira.
Txapelketa bi itzulietara jokatuko dute eta lehen sailkatua izango da kopako irabazlea.
Ostadarreko neskak aurrean egoteko lehiatuko dira.