Antzerki arina izan zen, Sauna batean girotuta, hainbat emakumeren arteko elkarrizketa dibertigarriak entzun eta ikusteko aukera izan zen. Gaiak askotarikoak: sexua, osasuna, moda, zahartzaroa, amatasuna, gizonak... Umore ukituarekin jorratuta betiere. Tarteka, musika eta koreografiekin jantzi zuten "Sauna deluxe" izeneko antzerkia. Ikusleek ilunabar polita igaro zuten barre algaraka eta amaieran txalo-zaparrada luzea jo zieten. Antzerki amateurraren girako girako bigarren zita datorren larunbatean izango da, Orratz antzerki taldeak Kale Gorrian emanaldia eskainiko du. Oraingo honetan, Lezotik etorriko dira Lasarte-Oriara, Kukuka dantza eta antzerki eskolak gomendatuta. Sarrerak, internet bidez, 3 eurotako prezioa izango du; leihatilan, 5 euro ordaindu beharko dira.
Lan eta Lan antzerki taldeak proposatuta, Errenteriatik gurera etorri ziren ostiralean Itzartu antzerki taldeko kideak kultur etxean emanaldia ematera. Sarrera ona izan zuen antzerki amateurraren girako lehen emankizunak, 150 pertsona bildu ziren Manuel Lekuonako areto nagusian.