“Txirrindularitza eta kirola sustatu nahi ditugu Lasarte-Orian”

Kirol jarduera ugari dago Lasarte-Orian, baina gutxi batzuk bizikletari lotuak. Orain arte, LOKE eta Batasuna zikloturista taldeak izan ditugu arlo honetan, baina beste talde bat eratu berria da, Saiatuz Kirol Elkartea. Bizikletazaleek sortutako taldea da eta zikloturistez gain, beste atal batzuk ere izango ditu bere baitan, duatloia, triatloia eta atletismoa. Honela, Saiatuz elkarteari buruz gauza gehiago jakiteko elkarteko sustatzaileetako batekin hitz egin dugu, Arkaitz Zubillagarekin, hain zuzen ere.