Txintxarri
Lehengo asteburuan, otsailak 2 eta 3an, Gipuzkoako estalpeko txapelketa absolutua jokatu ziren Anoetako Velodromoan.
LOKEko atletak bertan egon ziren eta azpimarratzekoa da horietako bik, Maria Monterok eta Irati Larrañagak egindako lehiaketa.
Maria Monterok 60 metro hesiko proban parte hartu zuen eta bere marka hobetzeaz gain, 10 sg eta 74ml eginez, Gipuzkoako titulua eskuratu zuen.
Iratiri dagokionez, bi probatan lortu zuen domina, salto hirukoitzean urrezkoa (9 m eta 88 zm) eta altueran zilarrezkoa (1m eta 40zm).
Markak hobetu
“Mariak lan ona egin du 400 metro hesiak proba prestatzen ari baita, aire zabaleko denboraldirako. Marka hau ona da eta horrela jarraitzea espero dugu”, esan digu Oskar Goikoetxea LOKEko entrenatzaileak.
Eta zera atxiki du Iratiri buruz, “kadetea da eta ez diogu garrantzia handirik emango. Marka eta titulua irabaztea garrantzitsua da, baina asko dauka ikasteko”
Honetaz gain entrenatzaileak aitortu digunez, “txapelketan parte hartu duten guztiek hobetu dituzte bere markak”•