Seniorren lasterketak izan ziren zirrara gehien sortu zituztenak. Emakumezkoetan Valencia Terra i Mar taldeko Diana Martinek lortu zuen lehen postua 04:52ko denborarekin, bigarrena talde bereko Dolores Checa izan zen 04:53ko denborarekin, hau lasterketa buru izan zen une batzuetan baina azken esprintean erabaki zen lasterketa. Hirugarren postua Carrefour taldeko Pilar Ansorentzat izan zen 05:07ko denborarekin.
Gizonezko seniorren lasterketako lehenengo postua Juan Carlos Higuerok lortu zuen. Arandakoak 04:20ko denborarekin Milako errekorra gainditu zuen. Azkenerarte egon zen lehia eta azkenean Pablo Villalobosek bigarren postua eskuratu zuen 04:21eko markarekin eta Javier Carriqueok hirugarrena 04:21ekoarekin. Emakumezkoen moduan hau ere lasterketa lehiatsua izan zen.