Eduki hau partekatzeko esteka arbelera kopiatu da.
Barrenak Astinduz lelopean ekitaldi zabal eta berezia antolatu du Ttakun Kultur Elkarteak apirilaren 19an Lasarte Oriako Kultur Etxean arratsaldeko 19.00etan. Arte espresio ezberdinak bertsoz lotu edo uztartu nahi dira Lasarteko Manuel Lekuona kultur etxeko espazio ezberdinetan. "Eraikinak berak garrantzia izango du, eta publikoak duen jarrerak ere bai. Horren baitan izango da saioaren arrakastaren zati haundi bat" Mailu Arruti antolatzaile taldekoak aurkezpenean adierazi zuenez. Helburuak, besteak beste, bi dira, Kultur Etxea erakustea, batetik, -askok ez dute eta dituen baliabideak ezagutzen-, eta herrian egiten diren gauzak zabaltzea, bestetik, guztia bertsoen saltsa eta piperrarekin nahastua.