Hirukoteak berak eman zion hasiera jam sesioari; oholtza gainean, eta hasteko, honako musikariak izan ziren: Anna Valentina (Ahotsa), Michel Bennet (Gitarra) eta Patxi Villanueva (Baxua). Hauekin, Josu Etxeberria (Ahotsa) eta Jokin Telleria (Bateria). Giro politta sortu zen Jalgin, jende asko bildu zen musikaz gozatzeko asmoarekin.
Naibanen bakarrizketa
Kike Biguri izan zen Sasoetako Naiban tabernan bakarrizketa eder batekin. Jende asko bildu zen bakarrizketa entzutera. Kikek errepasoa egin zion gaur egun puri-purian dauden zenbait gaiei. Algara ederrak sorrarazi eta txalo zaparrada ederra jaso zuen zorioneko futbol taldeen eta jokalarien errepasoa egin zuenean. Egunerokotasuneko gaiei ere heldu zien, batez ere bikoteen harremanei. •