Zuzeneko apustuak
Apustuak egiteko aukera zabala eskaintzen du marka honek. Kirol guztiak jasotzen ditu, baita zaldien eta galgoen lasterketak ere. Jon Atorrasagastik azaldu zuenez, "marka honek apustuak egiteko aukera berri bat eskaintzen du, zuzeneko apustuak".
Zaldi karrerak, estropadak, futboleko partidak, saskibaloia edo pilota partidak jokatzen diren bitartean apustua egiteko aukera eskaintzen dute. Apustu guztiak enpresaren aurka egiten dira, gutxieneko apustua 0,20 eurotakoa da, gehienez 100 eurotakoak eta apustu arrunta euro batekoa da.
Abantailak
Atorrasagastik Garaipen Victoria Apustuak markak beste kirol apustu markeekiko desberdintasunak eta abantailak zehaztu zituen ostiraleko aurkezpenean: batetik, apustu konbinatuetan emaitza guztiak asmatu ez arren, hau da hirutik bi asmatuz gero kobratzeko aukera eskaintzan du; bestetik, konpetentziak eskaintzen ez dituen bi kirol mota eskaintzen ditu: zaldiak eta galgoetako lasterketak; sariari dagokionez, egoitzan bertan metalikoan kobratu daiteke, 300 euro baino gutxiagoko sariak; eta azkenik, bezeroari arreta pertsonalizatua eskaintzen zaio.•