500 bat pilotarik, alebinetatik afizionatuetara, jokatuko dituzte Buruntzaldeako herritako frontoi desberdinetan, abenduaren 28an, antolatu diren pilota partidetan.
Lasarte-Orian infatil mailako eskuzbinakako 10 partida jokatuko dira Okendoko frontoian, Michelineko frontoian PINa egongo baita, eta euria egingo balu, Oriakoan.
Kirolaren ondoren, bazkaria antolatuko dute Hernaniko Otsua-Enea sagardotegian.
Profesionalen partidak
Arratsaldeko 17:30etan Hernaniko frontoian profesionalen partidak egongo dira. Lehenengo norgehiagokan Saralegi-Oteiza eta Mendizabal I-Argote arituko dira eta bigarrenean, berriz, Olaizola II-Mendizabal II eta Berasaluze VII-Begino.
Partidako sarreren prezio 30 eurotakoa eserita eta 15 zutik dira eta Lasarte-Orian Gure Etxean eta Aldatzekua tabernan eskuratu daitezke.
Jaialdia antolatzeko Buruntzaldeako Udalen, pilota eskolen eta Asegarceren laguntza izan du Buruntzape elkarteak. •
Buruntzape elkartea Buruntzaldeko pilota eskolekin lanean aritzen da, pilotarien teknifikazioa landu eta errendimenduzko entrenamenduak egiteko. Baina ez da guztia lana, abenduaren 28an igandea, Buruntzaldeako pilota jaialdia antolatu baitu elkarteak.