Hogei gradutik gorako egun eguzkitsua oparituta, eguraldiak berak ere keinu egin zien otsailaren 28an, Andaluzia Eguna ospatu zuten lasarteoriatarrei. Herriko Semblante Andaluz elkarteak hamaika ekitaldi antolatu zituen, bertako bazkideen herri-mina asetzeko moduan.
Beste batzuetan ospakizunak asteburu osoan luzatu baziren ere, aurten larunbatean, Andaluzia Egunean bertan, egin zuten ia dena, hauteskundeak zirela eta.