Haurek udan ongi pasatzeko aukera zabala eskaintzen du Ttakun Kultur elkarteak Lasarte-Oriako Udalaren laguntzaz antolatzen dituen Udako Txokoetan.
Txikientzako psikomotrizitate programa, HH5 eta LH2koentzat naturaz eta kirolaz gozatzeko aukera eta LH3 eta LH6koek abentura eta kirolaz betetako egunak biziko dituzte.
Hauetan guztietan, izena emateko epea maiatzaren 27an bukatzen da, beraz, azken astean sartu gara ia.
Animatu eta izena eman uda zoragarria igaroko baitute Udako Txokoetako haurrek.
Kanpaldiak
Era berean, Ttakuneko aisiako arduradunak jakin arazten du kanpaldietarako izena ematea dagoeneko itxi dela.