Udarako tartearen ondoren energiaz beteta, interesgarria den egitarau hau antolatu du Yoga Eskolak munduan goren mailakoak diren jakitunak entzuteko aukera izango baita Lasarte-Orian.
Jardunaldiak irailean zehar izango dira Eskolak Zumaburu kaleko 12. zenbakiko baxuan duen egoitzan. Arratsaldeko 19:00etan hasiko dira ekintza guztiak eta doakoak dira gainera.
Aste honetan hitzaldiak egongo dira “Sanatana Dharma” Yoga Eskolan. Gaur Kristina Ruizek “ EL MAPA DEL TESORO” hitzaldia eman du , bihar Juan Jose Urbieta “ SANTA GUERRA INTERIOR” izena duena eta ostegunean, berriz, heriotzari buruz hitz egingo du Alfredo Iglesiasek.
Hurrengo astean, dokumentalen txanda izango da, irailaren14an astelehena “ DIOS EXISTE” filma ikusiko da, asteartean “ EL SECRETO” eta asteazkenean, berriz, “ SHADUS”.
Hastapen ikastaroa
Bestalde, Yoga hastapen ikastaroa ere eskainiko dute hilaren bukaeran, irailaren 21etik 30era. 8 saio teoriko praktiko izango dira, 19:00ak eta 20:30ak bitartean eta hasiberrientzat oso gomendagarria dela adierazi digute Yoga Eskolakoek. Kurtso honi buruzko informazio gehiago eskuratu nahiez gero 685 773 081 telefono zenbakira hots egin edo karmainhoa@gmail.com helbide elektronikora mezua bidali.