Eusko Jaurlaritzak uholdeen arrisku egoera bukatutzat eman zuen, asteazkenean. Astean zehar, lasarteoriatarrak Oria ibaiak gainezka noiz egingo zuen zain egon ziren. Baina ez zen ibaia izan Lasarte-Orian, astearte gauean, arazoak sortu zituena. Etengabeko euri jasak estolderiak gainezka egitea ekarri zuen eta Donostia bideko N-I errepiderako lotura, hau da, tunela urez bete zen norabide hori itxiaz. Asteazken goizean, garbiketen txanda izan zen.