Izan ere, alkateak eta Estatuko ordezkariak pilotakada batzuk jokatu baitzituzten eta udal ordezkariren bat ere animatu baitzen.
Erabiltzeko prest
Kiroldegi ondoan dagoen pilotaleku berriari buruz, “herritarrek erabiltzeko prest dago. Irekia izango da eta edonork erabili ahalko du. Beraz, dagoeneko haurrak etorri daitezke hona jolastera,” azaldu zuen alkateak.
“Garrantzitsua zen proiektu hau. Herriko erdialdeko eraberritzearen ondorioz, pilotalekua lekuz aldatu behar genuen,” gaineratu zuen.
Era berean, paddle pista eta rokodromoko estruktura eta estaldurako lanak bukatu dira.
Proiektua
Tokian Tokiko Estatuko funtsak finantzatutako proiektu hau eraikitzeko lanak 6 hilabete iraun dituzten eta honi esker, udalerriko kirol ekipamendua osatu eta sendotuko da.
Orain, Iñaki Mugika alkateordeak irailaren 10ean lanei buruz argitaratu genuen erreportaje batean aipatu zuenaren arabera, “Udalaren esku dago, rokodromo eta paddleko azpiegiturak osatu eta frontisa harriz estaltzea. Beti ere, egoera ekonomikoak ahalbidetzen badu.”