Hala ere, Erregeek eta bere laguntzaileek hainbat eginbehar izango dituzte Lasarte-Orian egun honetan.
Eguerdi aldera, Erregeek Atsobakarreko zaharren egoitza bisitatuko dute eta bertakoei opariak banatuko dizkiete. Bestalde, laguntzaileak Sagardotegi kalean egongo dira haurren eskutitzak bildu eta gozokiak banatzen.
Errege Kabalgata
Arratsaldean, berriz, Erregeen ohiko kabalgataz gozatu ahalko da 18:00etatik aurrera. Erregeek, hauen laguntzaileek eta zuzi-eramaileak Oria auzotik atera, Zirkuitu Ibilbidetik eta Kale Nagusitik barrena Andatza plazara egingo dute.
Baina ohitura denez, Brigitarretan geratuko dira Xabier Andonegi parrokoak bedeinkapena eman eta komentuko mojak agurtzeko.
Andatzara iristean, Erregeek haurrak agurtu, eskutitzak hartu eta hauen nahiak entzungo dituzte.
Beraz, opariak nahi baldin badituzue badakizue gauean ohera txintxo-txintxo joan. Bihar goizean ziurrenik ezusteko bat baino gehiago egongo da herriko hainbat etxeetan.