Landaberri ikastola
Etxeko txikien ahotsetan entzun ditugu lehenik Santa Eskeko kantuak, Landaberri ikastolakoak txikiak goizean ibiliko baitira herritik zehar.
Erketz Dantza taldea
Arratsaldean, Erketzeko lagunak 18:00etan hasiko dira kantuan eta herriko baserrietatik ibiliko da Santa Eskean.
Amalur Eskola
Ordu eta erdi beranduago, Andatza plazatik aterata, Amalur eskolako trikitilari eta pandero joleen txanda izango da eta herriko erdialdean egingo dute eskea.
Zabaleta Auzo elkartea
Ordu berean, Zabaleta auzokoak izango dira kantuan hasiko direnak. Antonio Plazan elkartu, auzoko kaleetatik eskea egin eta ondoren baserrietara egingo dute.
Osteguneko kantua ondo prestatzeko, asteartean entsegu bilera egingo dute, Antonio plazan bertan arratsaldeko 19:30ean.
Bertso Eskola
Lasarte-Oriako Bertso Eskolakoak ditugu azkenak, arratsaldeko 19:30ean Jalgin dute hitzordua.
Bertan lehenengo potea hartu eta tabernaz taberna, kopla kantuan egingo dute Santa Eskea.