Eduki hau partekatzeko esteka arbelera kopiatu da.
Elkartasuna eta kirola Tomas Arrutik eta Gorka Lasak iaz Saharako basamortuan maratoia egin eta hango egoera ezagutu zutenetik proba honi bultzada eman eta aurten gehiago izateko erronkari heldu zioten. Eta lortu dute, iaz baino bost aldiz euskaldun gehiago izango dira Saharan otsailaren 19tik 26ra. Iaz 17 lagun izan ziren, aurten 85 abiatuko dira. Hainbeste izanik aukera zuten hegazkinez Loiutik ateratzeko, hori zen euren erronka eta helburua, baina aurten Air Argelia konpainiak, 100 laguneko hegaldi Charterren prezioa garestitu du. Azken orduan, beraz, atzera egin eta Madriletik aterako dira maratoian parte hartuko duten beste hainbat lagunekin batera 300 lagunentzako hegazkin batean.
Datorren astelehenean, otsailaren 22an, egingo dute basamortuan, hamargarren Saharako Maratoia eta gaur eguerdian bertan abiatu dira 85 euskaldun (horietatik 12 lasarteoriatarrak) antolatzaileek jarritako autobusetan Madrilera, handik hegazkina hartu eta saharauiarren kanpamenduetara abiatzeko. Gehienek lasterketan parte hartuko dute baina korrikalarien senide eta lagun batzuk ere joan dira ostiraletik ostiralera 19tik 26ra astea Saharan pasatzeko. Datorren ostiralera bitartean hainbat ekitaldi izango dira, besteak beste, Sahariar Errepublika Demokratikoaren eguna eta euskal jaia.