Hori da Ruben Arrospide umoristak bere bakarrizketarekin sortu zuena Manuel Lekuona kultur etxeko kafetegian. Orain hasi dira Udaleko Gazteria saila eta Xpression kultur taldea, Gazte kontzertuak ekimenean, musikaz gain horrelako saioak antolatzen eta arrakasta handia izan zuen. Kafetegira hurbildutako herritarrek umorista-aktore honen bizipenak ezagutu zituzten, hala nola, pasta nola prestatu edo besteen zaletasunen kritika. Hau guztia, umorea eta ironia nahastuz.